Net leauwe mar it skyldpodreservaat giet troch!!

It is net te befetsjen mar it is slagge... it earste skyldpodreservaat fan Nederlân wurdt werklikheid!

wy, we meie it lang om let diele: Stichting Schildpaddenopvang Nederland hat mei help fan Stichting DierenLot én tanksij de stipe fan ús geweldige donateurs, de eardere fiskfivers fan De Forelpoel yn Kollumersweach oernommen.

Wy tankje elkenien dy't ús stipe hat, altyd efter ús stean bleaun is en yn ús plannen leaut. Mei tank oan jimme hawwe wy de krêft holden om dit foarinoar te krijen en nea op te jaan foar al dy needlijende skyldpodden dy't der al binne en noch komme sille!

Fan oktober 2025 ôf binne wy offisjeel eigener fan dit prachtige terrein. Hjir bouwe wy, as alle fergunningen rûn binne, it alderearste offisjele skyldpodreservaat fan Nederlân — in permaninte, natuerlike thúsbasis foar skyldpodden dy't nearne oars terjochte kinne. Yn earste ynstânsje sil it reservaat plak biede oan sa'n 20.000 skyldpodden. Dit is hurd nedich, omdat de opfang op De Harkema yntusken mear as 1.000 skyldpodden yn it jier opfangt en no barstefol sit mei mear as 5.000 skyldpodden.

It reservaat bliuwt foar in grut part ticht foar besikers om de rêst te garandearjen en y.m. wetlike beheiningen. Mar fan 2026 ôf organisearje wy de earste kykdagen, ynklusyf de grutte iepening! Oant dy tiid nimme wy jimme online mei yn de opbou fan dit unike plak, troch geregeld filmkes, foto’s en ferhalen mei jimme te dielen. Mei-inoar sille wy de kommende jierren fan dit plak in echte dreamplak meitsje foar de skyldpodden.

Earder dit jier hawwe we in crowdfunding hâlden. Tanksij jimme stipe kinne wy no masines, ark en boumateriaal oanskaffe om de earste grutte wurksumheden te starten: it oanpassen fan de fivers mei filters en de sirkulaasje werstelle, it oanplantsjen fan grien en it bouwen fan in pear soartspesifike ferbliuwen mei goede omheiningen.

Mar... dêr binne wy noch net mei. Om it reservaat écht ôf te meitsjen en safolle mooglik skyldpodden in feilich plak te jaan, hawwe wy noch hieltyd help nedich. Elke donaasje, grut of lyts, bringt ús tichter by in folslein skyldpodreservaat dêr't elke (fûn / dumpte) skyldpod wenjen bliuwe mei.

Tank oan elkenien dy't dizze dream mooglik makket foar al dy skyldpodden! Mei-inoar bouwe wy oan in feilige takomst — foar elke skyldpod.

Foar mear ynformaasje oer it reservaat of de mooglikheid om te donearjen, sjoch op https://schildpaddenreservaat.nl

Link nei orizjineel parseberjocht: https://www.schildpaddenopvang.nl/wp-content/uploads/2025/09/250912-Kollumersweach-krijgt-eerste-schildpaddenreservaat-van-Nederland.pdf