De hannel yn lânskyldpodden út toeristyske lannen wei is noch altyd grut!

Grykske en Moarske lânskyldpodden falle ûnder CITES A en binne dêrom beskerme bistesoarten. Dy wetjouwing is krekt bedoeld om foar te kommen dat bisten út it wyld fongen en ferhannele wurde. Jo soene dêrom tinke dat yn Nederlân benammen yn finzenskip fokte bisten hâlden wurde, mar neat is minder wier...

Dizze ôfgryslike foto is makke troch Floor op in reguliere merk yn Marokko. En dêr mei spitigernôch noch fan alles.... Foar in lyts bedrach fan trochinoar 2 euro keapje je hjir al in lyts lânskyldpodsje.

In soad toeristen dy't nei Noard-Afrika ôfreizgje, nimme sûnder nei te tinken in skyldpodsje mei nei Nederlân. Ek tichterby, lykas Turkije, Italië en Grikelân, wurde in soad lânskyldposke poppen ferkocht dy't fuortfongen binne út de natuer.

Neist datst in bist meinimst, wat dus yllegaal nei Nederlân komt en sykten meinimme kinst, riskearrest in hege boete, omdatst dus beskerme diersoarte kocht hast.

Mar boppe-al sprekt de foto foar him; it bisteleed dat hjir efter kleeft is enoarm.

Bisten wurde fuortfongen út it wyld, holden yn sokke keapkes en ferkocht oan elkenien dy't foarby rint.

Dit jier krigen wy meardere lytse skyldpodsjes, de measte deasiik, ôfkomstich fan dit soarte merken.

Alle ynkommen bisten binne meinaam troch minsken dy't totaal gjin idee hiene wat se dien hiene en gewoan sa'n bistje mei werom nimme yn de auto, wêrtroch't ûnderskeppen hast net mooglik is foar bygelyks de dûane. Faak wolle de bistjes net ite fan de stress, in foar harren totaal nuvere omjouwing...

In oantal bistjes is by ús kaam mar hoefolle stjerre der anonym yn dit soarte fan koaien? Of lije bot troch de reis en dêrnei de ûnkunde yn fersoarging ienkear yn Nederlân.

It is hiel wichtich om net mei te wurkjen oan (fer)keap ast soks oantrefst yn it bûtenlân. Hoe begrutlik ek, troch sa'n bistje te keapjen hâldst krekt de hannel yn stân.

Ek ast in skyldpodsje keapje wolst hjir yn Nederlân, freegje altyd om it orizjinele CITES sertifikaat en freegje it CITES buro fan de Ryksoerheid om dit te ferifiearjen. Dit om foar te kommen datst in skyldpod keapest dat fuortfongen is út de natuer dêr't se eins hearre!