Moaie gearwurking mei Wildopvang Súd-Hollân

Wat in positiviteit! Stichting Schildpaddenopvang Nederland wurket graach gear mei oare organisaasjes om skyldpodden út it hiele lân feilich ûnderbringe te kinnen yn de opfang op De Harkema. We begripe hiel goed dat biste-ambulânses fier by de opfang wei net útride kinne foar eltse skyldpod om it bist binnen 24 oeren yn Fryslân te krijen. Dêrop is in systeem betocht mei frijwilligers troch it hiele lân en no is der hielendal wat moais fan de grûn kaam: Wildopvang Súd-Hollân stelt him beskikber as needopfang foar skyldpodden.

Alle biste-ambulânses dy't dêr al bisten bringe, kinne tenei ek mei in gerêst hert skyldpodden sûnder eigener bringe. Dat jildt fansels ek foar partikuliere finers. In meiwurker fan de skyldpodde-opfang hellet de bisten dêrnei op. Wy binne tige bliid mei dizze prachtige gearwurking. Dêrtroch kinne mear as 16 biste-ambulânses skyldpodden op in tastiene wize by de opfang efterlitte, dêr't se in better, tropysk libben krije. Leave Wyldopfang Súd-Hollân, jim binne geweldich. Betanke út namme fan de skyldpodden en it team fan de Skildpodde-opfang.