Mycoplasma Alert!

It lêste jier sjogge wy in opfallend soad skyldpodden dy't besmet binne mei in Mycoplasma spp. baktearje. Spitigernôch is dizze baktearje ANTI-Biotica resistint. Wannear't in skyldpod of oar reptyl ien kear besmet is, sil dy altyd drager bliuwe en kin dizze oare bisten besmette. Ditselde sjogge wy by Herpes besmettingen, dit is lykwols in firus wêrby't antibioatika net wurket, faak stjerre dan ek dizze bisten troch alle komplikaasjes by in opflamming fan Herpes of Mycoplasma.

In soad ynkommende skyldpodden, fûn of oankocht yn in winkel, merkplak of op beurzen, sjogge wy in opfallend soad sike Mycoplasma bisten. Nei ûndersyk docht bliken dat de baktearje in soad foarkomt by itensbisten lykas mûzen en kninen. Hannelers en gruthannels nimme it net altyd nau mei de hygiëne wêrtroch't krekt yn soksoarte omjouwingen ienfâldich Mycoplasma oerdroegen wurde kin fan itensdieren op reptiel, of fan reptyl nei reptyl. Nije bisten komme fan kwekers wurde meastal net test, in betroubere PCR test op herpes / mycplasma kostet al gau 75 euro per bist ex consult, finansjeel reden genôch dat dêr gjin omtinken oan bestege wurdt.

Bisten wêrby't de Mycoplasma baktearje opflammet hawwe tsjokke opsette eagen, opsette tonge, flibe en residu yn 'e bek en faak soerstofgebrek troch longproblemen. It is saak om eigen bisten goed yn 'e gaten te hâlden en fluch yn te gripen wannear't dy symptomen har foardogge. Nim dan streekrjocht kontakt op mei in spesjalisearre bistedokter. Nei in antibioatika behanneling en eventueel stypjende medikaasje kin in bist wer genêze mar bliuwt de baktearje altyd latint oanwêzich. Sadree't de wjerstân fan it bist sakket, lykas by stress, wintersliep, ferfieren / ferpleatse, min hâlde, minne fieding ensfh. sil de baktearje wer opflamje en sille de symptomen wer sichtber wurde.

It is altyd ferstannich om te witten datst in Mycoplasma posityf bist hast, of datst sels in hiele groep hast. Lit de swakke dieren PCR teste op Mycoplasma en Herpes. Dizze kombitest is goedkeaper as los, mar faak komt herpes ek foar by Mycoplasma bisten. Mycoplasma en Herpes ferspriede har gelokkich net maklik fia de loft, mar dat kin wol wannear't it bist hoastet of núst, de measte besmettingen fine plak fia direkt kontakt lykas speeksel, ûntlêsting, urine of fia brûkte materialen lykas fier - en drinkbakken en net te ferjitten besmette itensdieren!

Foarkomme is better as genêze! Lit nije bisten altyd teste, hâldt nije bisten yn karantêne oant de resultaten bekend binne. Fok net mei bisten dy't Mycoplasma hawwe! Wurk tige hygiënysk en ûntsmet mei in gloarhâldend middel lykas VIRKON S. Wês foarsichtich mei itensdieren of freegje de leveransier nei ynformaasje oer sykten en testbelied. Wolst de boarne fan dyn besmetting opspoare, dan kinst ek in PCR teste litte op itensdieren.