Seis lânskyldpodden fan Flylân nei De Harkema...

Hjoed, op de ein fan it jier, noch in moaie soepele gearwurking dien mei in soad partijen dy't ek it bistewolwêzen yn in heech findel stean hawwe.

Koartlyn waarden wy benadere troch de Gemeente Flylân oft wy help biede koene foar de needopfang fan mar leafst 6 lânskyldpodden. Spitigernôch wie de eigener troffen troch in ynfarkt en wurdt langduorjend opnommen. Fansels sille wy hjir mei helpe wie it boadskip! mar hoe en wat? Want op in eilân en dan foaral in autolij eilân as Flylân giet it allegear wat oars. Wat dan moai is om te sjen dat der op sa'n lyts eilân hiel goed gearwurke wurdt, fantastysk! 

De skyldpodden binne hjoed troch Steatsboskbehear Flylân ophelle en transportearre nei de boat. Omdat de bisten tige waarmtebehoeftich binne, mochten se sels mei de kapitein de oertocht nei de fêste wâl meitsje: " De dieren waarden transportearre yn in grutte kiste mei waarme tekkens en flessen folle mei waarm wetter. 

Stichting Dierenambulance de Waadhoeke út Seisbierrum hat de skyldpodden dêrnei fan board helle, de flessen waarm wetter ferfongen en is fuortendaliks nei ús opfang yn De Harkema riden. Dizze biste-ambulânse wit krekt hoe't alles wurket, hat al in goede gearwurking mei Rederij Doeksen en wurket ek al jierren nei folle tefredenheid mei ús gear. 

Al mei al in goed foarbyld fan moaie gearwurkingen dy't tige weardefol binne, puer út it belang fan de bisten! Elkenien superrrrr betanke!!!

Wy winskje de eigener út namme fan it hiele team, in hiel soad sterkte en betterskip ta!

De skyldpodden sitte yntusken lekker waarm en smûk op De Harkema. We sille se de kommende dagen lekker mei rêst litte en foaral in hiel soad bedjerre mei lekkerssss.